'မြတ်ဆုမွန်' သီချင်းကိုဖျက်ဆီးပြီး မသီဆိုဖို့ မန္တလေးသိန်းဇော်မေတ္တာရပ်ခံပြီးနောက် လူရွှင်တော် ဖိုက်စတားအဖွဲ့မှ တောင်းပန်

'မြတ်ဆုမွန်' သီချင်းကိုဖျက်ဆီးပြီး မသီဆိုဖို့ မန္တလေးသိန်းဇော်မေတ္တာရပ်ခံပြီးနောက် လူရွှင်တော် ဖိုက်စတားအဖွဲ့မှ တောင်းပန်

'မြတ်ဆုမွန်'လို့ အမည်ပေးထားတဲ့ ဓမ္မတေးကို ညစ်ညမ်းစကားလုံးတွေ အစားထိုးပြီး လူရွှင်တော်ဖိုက်စတားအဖွဲ့က ဖျော်ဖြေ တင်ဆက်တဲ့အပေါ် အဲဒီတေးသီချင်းကို သီဆိုသူ မန္တလေး သိန်းဇော်က ဘာသာသာသနာနဲ့ ပတ်သက်ပြီး သီကုံးစပ်ဆိုထားတဲ့ သီချင်းကို ပေါ့ပေါ့တန်တန် သဘောထားပြီး မထီမဲ့မြင်မလုပ်ကြဖို့ မေတ္တာရပ်ခံ ပြောကြားလိုက်ပါတယ်။
"အပြစ်တင်တာ မဟုတ်ပါဘူး။ အပြစ် မဖြစ်စေချင်တဲ့အတွက် ဘ၀တူချင်းကို ဖေးကူတဲ့စကားများနဲ့ ပြောကြားခြင်းဖြစ်ပါတယ်။ သဘင်အနုပညာလုပ်နေကြတဲ့ လူငယ်တွေ ဆောင်ရန် ရှောင်ရန်ဆိုတဲ့ အချက်လေးတွေကို သိစေချင်တယ်"လို့ ဇန်န၀ါရီလတွင်းက ကျင်းပခဲ့တဲ့ အဇဋာအနုပညာနဲ့ မီဒီယာတွေ့ဆုံပွဲမှာ မန္တလေးသိန်းဇော်က ပြောခဲ့ပါတယ်။
"ဗုဒ္ဓပူဇနိယနဲ့ပတ်သက်ပြီး သဘင် အနုပညာလောကမှာ ဖျော်ဖြေရေး အတွက်ဆောင်ရွက်ကြရင်းနဲ့ ကိုးကွယ်ရာ၊ အားထားရာတွေမှာ ပေါ့ပေါ့ဆဆ မှားမှားယွင်းယွင်းလေးတွေ ရှိတာတွေ့ရတယ်။ စမြောင်ကပ်တဲ့အခါ တော်ရုံ ရယ်ကြရတဲ့သဘောမဟုတ်ဘဲ (မရိုသေ့ စကား) ခါးအောက်ပိုင်းစာသားတွေကို ဓမ္မတေးမှာ အစားထိုးသီဆိုလာကြတယ်" လို့ သူက ပြောပါတယ်။
မြတ်ဆုမွန်သီချင်း ဖြစ်ပေါ်လာပုံကိုလည်း ကျိုက်ထီးဆောင်းဆရာတော်ကြီးဟာ သာသနာငါးထောင် ခိုင်မြဲစေဖို့ ရည်ရွယ်ချက်နဲ့ အဓိဋ္ဌာန်ပြုရေးသားကာ ရဟန်းသံဃာ၊ သီလရှင်တွေနဲ့ ယောဂီတွေ ရွတ်ဖတ်ပူဇော်ကြတဲ့ တရားစာဖြစ်တယ်လို့ ရှင်းပြပါတယ်။
ဆရာတော်ရဲ့ ဒါယကာတွေက ဂီတလုလင်ဆရာ ဦးကိုကိုဆီ သီချင်းအဖြစ်ပူဇော်ဖို့ အကူအညီတောင်းရာက ဆရာဦးကိုကို သီဆို ပူဇော်ခဲ့တဲ့ သီချင်းဖြစ်ပြီး နောက်ပိုင်းမှာ မန္တလေးသိန်းဇော် ဘုရားပွဲသွားကရင်း ဆရာတော်ကြီးက အဲဒီသီချင်းကို သူ့ကိုချီးမြှင့်ခဲ့ရာ ပွဲသိမ်းသီချင်းအဖြစ် သီဆိုခဲ့တယ်လို့ ပြောပြပါတယ်။
အများပြည်သူတွေကလည်း ဓမ္မတေး သီချင်းတစ်ပုဒ်အဖြစ် အလှူမင်္ဂလာပွဲတွေမှာ အသုံးပြုမင်္ဂလာယူကြတယ်လို့လည်း ဦးသိန်းဇော် က ဆိုပါတယ်။
"ဘုရားထီးတင်ဖို့ အလှူခံမဏ္ဍပ်မှာ မန္တလေးသိန်းဇော်ရဲ့ မြတ်ဆုမွန်သီချင်း ဖွင့်ပြီး အလှူခံတာ ခုဆို ဘုရားထီးတင်နိုင်တော့မယ်ဆိုပြီး ပြောကြတဲ့သူတွေရဲ့ ပြောစကားတွေကိုလည်း ကြားခဲ့ရတယ်။
ဘုရားပွဲ၊ အလှူပွဲအစရှိတဲ့ မင်္ဂလာယူတဲ့ ပွဲတွေမှာ ဒီသီချင်းကို သီဆိုပြီး ဗုဒ္ဓ သာသနာတော်မှာ တစ်ထောင့်တစ်နေရာက ပါဝင်ခွင့်ရ ခဲ့တယ်"လို့ သူက ပြောပါတယ်။
အဲဒီနေ့က ပွဲတက်ရောက်လာခဲ့တဲ့ ဂီတပညာရှင်ကြီးတွေကလည်း ဖိုက်စတားအဖွဲ့ကို တန်ဖိုးမဲ့တဲ့ အနုပညာမျိုး မပြုလုပ်ကြဖို့ မေတ္တာ ရပ်ခံပြောကြားခဲ့ကြပါတယ်။
"မိမိရဲ့လုပ်ဆောင်ချက်ကို ပေါ်လွင်စေချင်တဲ့အဓိပ္ပာယ်နဲ့ လူတစ်ဖက်သားကို နှိမ့်နှိမ့်ချိုးချိုး၊ ပြောင်ပြောင် လှောင်လှောင်ပြောဆို တာဟာ မကောင်းပါလားဆိုတာ ခေါင်းထဲဝင်သင့်ပါတယ်။ အနုပညာရှင်များ၊ စာရေးဆရာများ၊ ပြည်သူအကျိုးရှိစေမယ့် ပြည်သူ သိသင့် သိထိုက်တဲ့၊ ပြည်သူတွေအတွက် အသုံးဝင်မယ့်အကြောင်းအရာတွေကို ဆောင်ရွက်ပေးကြပါ"လို့ အနုပညာဆိုင်ရာ စည်သူ ဘွဲ့ရ ဗိုလ်ကလေးတင့်အောင်က ပြောကြားခဲ့ပါတယ်။
အနုပညာဆိုင်ရာ စည်သူဘွဲ့ရှင်ဖြစ်တဲ့ ရွှေနန်းတင်ကလည်း "အဲဒီသီချင်းတွေ နားထောင်ရတာ စိတ်ကိုမချမ်းသာဘူး။ ကိုယ့်ကိုယ် ကိုယ်ဖျက် သံချေးတက်ကြတာ။ အရင်တုန်းက သဘင်သည်တွေလည်း ပြောကြပါတယ်။ ဒီလိုချည်းတော့ မဟုတ်ပါဘူး။ မလုပ်ကြ ပါနဲ့"လို့ ပြောခဲ့ပါတယ်။
ဖိုက်စတားအဖွဲ့ကို မြန်မာတိုင်း(မ်)က ဆက်သွယ်မေးမြန်းရာ အဖွဲ့ကိုယ်စား လူရွှင်တော်မျောက်ရှုံးက သူတို့ လုပ်လိုက်တာ မှား သွားပါတယ်လို့ မန္တလေး သိန်းဇော်ကို တောင်းပန်စကားဆိုပြီး ပရိသတ်တွေရော၊ စာပေအသိုင်းအ၀ိုင်းကပါ မည်သူမဆို သူတို့အဖွဲ့ မှားတာရှိရင် သင်ပြထောက်ပြပေးပါလို့လည်း ပြောပါတယ်။
"ကျွန်တော်တို့မှာ ရှေ့ဆက်ရမယ့် အလုပ်တွေ အများကြီးရှိပါသေးတယ်။ ဘာသာရေးနဲ့ပတ်သက်မှ မဟုတ်ပါဘူး။ တခြားဘက်ပေါင်း စုံကနေ ထောက်ပြပေးကြဖို့ ပြောချင်ပါတယ်။ ခုလိုပြောပြပေးတဲ့အတွက် ကျွန်တော်တို့အနေနဲ့ စိတ်လည်းမဆိုးပါဘူး။ အကောင်းဆုံး လမ်းညွှန်ချက်ပေးတယ်လို့ပဲ ခံယူပါတယ်။ လူကြီးသူမတွေ ဆုံးမတာကို လေးလေးစားစား မြတ်မြတ်နိုးနိုးနဲ့ နားထောင်ပြီး နောက် မလုပ်မိဖို့ ကြိုးစားရမယ်"လို့ သူက ဆိုပါတယ်။ 

အရှိန်ပြင်း ပြိုင်ကား သုံးဆင့် ဝင်တိုက် ကားမောင်း ဒဏ်ရာရ အဖော်ဖြစ်သူ သေဆုံး

နံနက်တစ်နာရီခန့်က မရမ်းကုန်းမြို့နယ်၊ ကမ္ဘာအေးဘုရားလမ်းပေါ်တွင် တောင်မှ မြောက်သို့ အရှိန်ပြင်းစွာ မောင်းနှင် လာသည့် ပြိုင်ကားတစ်စင်းသည် အရှိန်မထိန်းနိုင်ဘဲ လမ်းဘေးတွင် ရပ်ထားသော ပါဂျဲရိုးကား၊ ပလက်ဖောင်းပေါ်ရှိ ရေတမာပင်များနှင့် ဖွင့်လှစ်ရန် ပြင်ဆင်ထားသော ဆောက်လုပ်ရေးပစ္စည်းအရောင်း ဆိုင်တစ်ဆိုင်အား ဝင်ရောက်တိုက်မိခဲ့ပြီး ယာဉ်မောင်းသူမှာ ပြင်းထန်စွာ ဒဏ်ရာရရှိကာ အဖော်ဖြစ်သူမှာအခင်းဖြစ်ပွားရာနေရာတွင်  ပွဲချင်းပြီး သေဆုံးသွားခဲ့ကြောင်း သိရသည်။

ဖြစ်ပွားရာနေရာမှာ ကမ္ဘာအေးဘုရားရှေ့ မျက်နှာချင်းဆိုင်ရှိ အမှတ်၅၆၉ တွင် ဖွင့်လှစ်ရန် ပြင်ဆင်ထားသည့် ၂၄နာရီ မီနီမတ် ရှေ့တွင် ရပ်နားထားသည့် ၈ စ- ၂၈၈၈ ပါဂျဲရိုးကားအား အရင်ဦးဆုံး ဝင်တိုက်မိကာ၊ ထိုမှ တဆင့် ပလက်ဖောင်းပေါ်တွင် အလှစိုက်ထားသည့် ရေတမာပင်များကို ဆက်လက်တိုက်မိပြီး၊ လဝန်းသစ် ဆောက်လုပ်ရေးပစ္စည်းဆိုင် မျက်နှာစာအား ထပ်ဆင့်ကာ တိုက်မိခြင်း ဖြစ်ကြောင်း သိရသည်။ ယင်း၂၄နာရီ မီနီမတ်နှင့် လဝန်းသစ် ဆောက်လုပ်ရေးပစ္စည်းဆိုင်တို့မှာ ဇန်နဝါရီ၃၁ရက်တွင် ဖွင့်လှစ်ရန် ပြင်ဆင်ထားသည့် ဆိုင်ခန်းသစ်များ ဖြစ်ကြောင်းကို လဝန်းသစ် ဆောက်လုပ်ရေး ပစ္စည်းဆိုင်ပိုင်ရှင် မတင်ဇာလှိုင်က ပြောပြသည်။

” တကယ်က ၂၈ရက်မှာ ဖွင့်ဖို့ လုပ်ထားပြီးမှ အဲဒီရက်က ၁၀ ဂဏန်း (ဘူ) ဖြစ်နေလို့ ၃၁ရက်ကို ရွေ့ထားတာ။ ဒီနေ့သာ ဖွင့်ဖြစ် လို့ ဖိတ်စာတွေ ဝေထားပြီးရင် သွားပြီ။ အခု ဆိုင်ရှေ့က မျက်နှာစာ ပျက်စီးသွားတာရယ်၊ နံရံပြိုသွားတာရယ်၊ အထဲက ဘိုထိုင်အိမ်သာကမုတ်နှစ်လုံး ကွဲသွားတယ်။ အဲဒီဟာနဲ့တင် သိန်း၅ဝဖိုးလောက် ရှိနေပါပြီ။ အထဲက ပစ္စည်းတွေ ဘယ်လောက် ပျက်စီးသွား တယ်ဆိုတာကိုတော့ ဝင်မကြည့်ရသေးလို့ မသိရသေးပါဘူး” ဟု ယင်းက ဆိုသည်။

ပျက်စီးသွားသည့် ၂၄နာရီ မီနီမတ်မှ ပါဂျဲရိုးကားနှင့် ပတ်သက်၍ ပြောပြရာတွင် ”သူတို့ဆိုင်ကလည်း ကျွန်မတို့နဲ့ အတူတူ ၃၁ရက်မှာ ဆိုင်ဖွင့်ပွဲ လုပ်မှာ။ အဲဒါကြောင့် မနေ့ညက သူတို့လင်မယားနှစ်ယောက် ဆိုင်ကို လာပြီး ပြင်ဆင်နေကြတာ။ သူတို့ ဆိုင်ထဲကို ပြန်ဝင်ကာစပဲ ရှိသေးတာ ဝုန်းဆိုတဲ့ အသံကြားလိုက်ရလို့ ပြန်ထွက်ကြည့်တော့ သူတို့ ပါဂျဲရိုးကားက မရှိတော့ဘူး။ ဆိုင်ရှေ့ရပ် ထားတဲ့နေရာကနေ လမ်းပေါ် ပေ၃ဝလောက် လွင့်ထွက်သွားတယ်။ သူတို့လည်း သီသီလေး လွတ်သွားတယ်” ဟု မတင်ဇာလှိုင်က ဆက်လက်ပြောပြသည်။

အခင်းဖြစ်ပွားပုံနှင့် ပတ်သက်၍ မရမ်းကုန်းမြို့နယ်၊အမှတ်(၈)ရပ်ကွက်မှ ရာအိမ်မှုး ဦးကြည်မြင့်က ”ကျွန်တော့်နောက်မှာ ဖြစ်တာဗျ။ကျွန်တော်က ကမ္ဘာအေးဘုရားလမ်း အတိုင်း လမ်းလျှောက် ပြန်လာတာ။ တိုယိုတာ တာဘိုအနက် ပြိုင်ကားက အရှိန်ပြင်းပြင်းနဲ့ မောင်းလာပြီး၊ဝင်း ကားပစ္စည်းဆိုင်ကနေ လည်ထွက်လာပြီး၊ရပ်ထားတဲ့ ပါဂျဲရိုးကိုတိုက်တာ၊ ကျွန်တော့်တောင် ရှပ်ထိပြီး လဲသွားတာ ဒူးခေါင်းကွဲသွားတယ်။ အရှိန်ဘယ်လောက်ပြင်းသလဲဆိုတော့ ရေတမာပင်တစ်ပင် အမြစ်ကနေ ကျွတ်ထွက်သွားတယ်။  ပျက်စီးသွားတဲ့ ကားကို သွားကြည့်တော့ ကားတစ်စီးလုံး မှန်မရှိတော့ဘူး။ ဘော်ဒီသံပြားတွေကလည်း ပြတ်တဲ့နေရာက ပြတ်၊ ကွဲတဲ့နေရာက ကွဲနဲ့ တစ်စီးလုံး ကြေမွနေပြီ။ပြိုင်ကားနံပါတ်က ၇(ဂ) ၂၅၁၉။  ယာဉ်မောင်းဘေးက တစ်ယောက်က ပွဲချင်းပြီး ဆုံးနေတာ တွေ့ရတယ်။ယာဉ်မောင်းကောင်လေးကတော့ ဂျိုစောင်း(ညာ) ကွဲသွားပြီး ၁၆ချက် ချုပ်လိုက်ရတယ်။ သေတဲ့ကောင်လေးကတော့ ရင်ဘတ်ကြေသွားပြီး၊ နားနှစ်ဖက်က သွေးထွက်နေတာ တွေ့ရတယ်။ ဆေးရုံရောက်တော့ ဦးနှောက်ထွက်တယ်၊ ဘယ်ပေါင် ကျိုးသွားတယ်လို့ ဆရာဝန်က ပြောတယ်။ ဖြုဖြူအဖတ်တွေလည်း ကျွန်တော်တွေ့လိုက်ရတယ်” ဟု ယင်းညက ကင်းလှည့်နေစဉ် ကြုံတွေ့ရသည့် အဖြစ်အပျက်ကို ပြန်လည်ပြောပြသည်။

အရှိန်ပြင်းစွာ မောင်းနှင်လာသည့် ပြိုင်ကားပေါ်တွင် လိုက်ပါလာသူများမှာ ယာဉ်မောင်း ကိုပြည်ဖြိုးအောင် (၂ဝနှစ်)၊နှင့် ကိုရန်ပိုင်းစိုး(၁၉နှစ်)တို့ဖြစ်ပြီး၊ သေဆုံးသူမှာ ကိုရန်ပိုင်စိုး ဖြစ်ကာ၊ ယင်းတို့သည် ကမ္ဘာအေးဘုရားလမ်းပေါ်ရှိ ဖူဆန်တရုတ်ဘုရားကျောင်းတွင် ကျင်းပသည့် နောက်ဆုံးရက် တရုတ်နှစ်သစ်ကူးပွဲတော်မှ ပြန်လာသူများ ဖြစ်ကြောင်း သိရသည်။

”ပျက်စီးသွားတဲ့ ကားထဲက လူတွေကို ဆွဲထုတ်တဲ့အချိန်မှာ အရက်နံ့တွေ ရတယ်။ အနားမှာ ရှိတဲ့သူတွေက ပြောတာကတော့ သူတို့တွေက ဖူဆန် ဘုရားကျောင်းက ထွက် ကတည်းက လမ်းမှာတွေ့တဲ့ကားတွေကို ပြိုင်မောင်း ကျော်တက်ပြီး မောင်းလာခဲ့ကြတာ” ဟု ယင်းတို့ကို ဆေးရုံသို့ လိုက်ပါပို့ဆောင်ခဲ့သူ တာဝန်သိ ပြည်သူတစ်ဦးဖြစ်သော ဦးမောင်နီက ပြောပြသည်။

ယင်းသို့ အခင်းဖြစ်ပွားမှုကို မရမ်းကုန်းမြို့နယ် ရဲစခန်းမှ ပြစ်မှုဆိုင်ရာ ဥပဒေပုဒ်မ (၃၀၄)-က- ။၂၇၉။ ၃၃၈ အရ အရေးယူထားပြီး၊ (ပ) နံပတ်မှာ ၆၇။၂၀၁၂ ဖြစ်သည်။

မိုးသူအောင် (ရန်ကုန်တိုင်းမ်)

ဗထူးကွင်းအား မငှားရမ်းခဲ့သည့်အကြောင်းရင်းကို ဘောလုံး အဖွဲ့ချုပ်မှ တာဝန်ရှိသူတစ်ဦး ပြန်လည်ရှင်းလင်း

ဘောလုံးအဖွဲ့ချုပ် မီဒီယာဒါရိုက်တာ ဦးစိုးမိုးကျော်

ရန်ကုန်၊ ဖေဖော်ဝါရီ-၃
နိုင်ငံတော်အစိုးရထံမှ ကွင်းငှားရမ်းစဉ်က ညွှန်ကြားချက်စည်းကမ်းကြောင့် ဗထူးကွင်းအား ဒေါ်အောင်ဆန်းစုကြည်ခရီးစဉ်အတွက် မငှားရမ်းနိုင်ခြင်းဖြစ်ကြောင်း မြန်မာနိုင်ငံဘောလုံးအဖွဲ့ချုပ်မှ တာဝန်ရှိသူတစ်ဦးကပြောသည်။
“ဘောလုံးကွင်းက ဘောလုံးအဖွဲ့ချုပ်က ပိုင်တာမဟုတ်ပါဘူး။ ဘောလုံးအဖွဲ့ချုပ်အနေနဲ့ နှစ်၃၀စာချုပ်နဲ့ နိုင်ငံတော်အစိုးရထံက ငှားရမ်းထားတာပါ။ ငှားစဉ်စာချုပ်ချုပ်ကတည်းက ဘောလုံးအားကစားအပါအ၀င် နိုင်ငံတော်က အထူးစီမံတဲ့အခမ်းအနားတွေရယ်၊ အားကစားနဲ့နွယ်တဲ့ ဖွံ့ဖြိုးတိုးတက်ရေးလုပ်ငန်းတွေကလွဲရင် ကျန်တာတွေ ငှားခွင့်မရှိပါဘူးလို့ ညွန်ကြားချက်ရရှိထားတဲ့အတွက် မငှားတာပါ။ ဘောလုံးအဖွဲ့ချုပ်က မငှားတာမဟုတ်ပါဘူး။ ငှားခွင့်မရှိလို့ မငှားတာပါ။ အဲဒီအပေါ်မှာ NLD အနေနဲ့လည်း ဘောလုံးအဖွဲ့ချုပ်ကို နားလည်မယ်လို့ မျှော်လင့်ပါတယ်။ တကယ်လို့ အစိုးရအထက်အဖွဲ့အစည်းတစ်ခုခုက အထူးကိစ္စတစ်ခုအနေနဲ့ ခွင့်ပြုလိုက်တယ်ဆိုရင်တော့ ဘောလုံးအဖွဲ့ချုပ်အနေနဲ့လည်း ခွင့်မပြုစရာ အကြောင်းမရှိပါဘူး”ဟု မြန်မာနိုင်ငံဘောလုံးအဖွဲ့ချုပ် မီဒီယာဒါရိုက်တာ ဦးစိုးမိုးကျော်က ပြောသည်။
ဒေါ်အောင်ဆန်းစုကြည်ခရီးစဉ်အတွက် ဗထူးကွင်းအား ဘောလုံးအဖွဲ့ချုပ်က မငှားဘူး။ ဦးဇော်ဇော်က မငှားဘူးဆိုသည့် သတင်းများထွက်ပေါ်နေသည့် အပေါ်၌လည်း ဘောလုံးအဖွဲ့ချုပ်ဥက္ကဋ္ဌက စိတ်မကောင်းဖြစ်နေကြောင်း ၄င်းက ဆက်လက်ပြောသည်။
ဒေါ်အောင်ဆန်းစုကြည် မန္တလေးသို့သွားရောက်မည့်ခရီးစဉ် ရွှေ့ဆိုင်းခဲ့ရသော်လည်း ယခုလ၇ရက်နေ့တွင် ပုသိမ်ခရီးနှင့် ၁၁ရက်နေ့တွင် ကော့မှူးခရီးစဉ်တို့ကို သွားရောက်မည်ဖြစ်ကြောင်း ယနေ့ညနေ ကုလသမဂ္ဂ မြန်မာနိုင်ငံဆိုင်ရာ လူ့အခွင့်အရေးကိုယ်စားလှယ် မစ္စတာကာတားနားနှင့်တွေ့ဆုံဆွေးနွေးအပြီး သတင်းထောက်များနှင့် တွေ့ဆုံချိန်တွင် ပြောကြားခဲ့သည်။
  7Day News Journal

မင်္ဂလာတောင်ညွန့် မြို့နယ်တွင် နှစ်ထပ်တိုက် ပြိုကျ၊ ထိခိုက် သေဆုံးမှု မရှိ

မင်္ဂလာတောင်ညွန့် မြို့နယ် အတွင်း ဇန်နဝါရီ ၃၁ ရက် ညနေ ၄ နာရီ ၅ မိနစ်တွင် နှစ်ထပ်အိမ် တစ်လုံး ပြိုကျခဲ့ကြောင်း မီးသတ် ဦးစီးမှ သိရသည်။
မင်္ဂလာတောင်ညွန့်၊ သပြေ ကုန်းရပ်ကွက် ၁၁၉ လမ်း၊ အိမ် အမှတ်(၁၃)၊ ဦးကာစင်ဘိုင်(ခ) ဦးသန်းဝင်း၏ နေအိမ်ဖြစ်ပြီး မိသားစု ငါးဦးနေထိုင်ကြောင်း၊ အဆိုပါ အိမ် သည် ရှေးဟောင်း အိမ်တစ်လုံးဖြစ် သော်လည်း အန္တရာယ်ရှိ အဆောက် အအုံ အဖြစ် သတ်မှတ်ထားခြင်း မရှိသေး ဟု ၁၁၉ လမ်းရှိ မျက်မြင် သက်သေတို့က ပြောသည်။
”လူသေဆုံး မှုတော့ မရှိဘူး။ မိသားစုဝင်တွေ အားလုံး အပြင်သွား နေချိန်မှာ ပြိုကျတာ။ အိမ်ရှင် လင်မယားက ဈေးထဲမှာ ကြက်သား ရောင်းတယ်” ဟု မျက်မြင် သက်သေ တစ်ဦးက ပြောသည်။
ရန်ကုန်တိုင်း ဒေသကြီး မီးသတ်ဦးစီးဌာနမှ အရာရှိတစ်ဦးက ”ဒီတိုက်တွေက အန္တရာယ်ရှိ အဆောက်အအုံ အဖြစ် သတ်မှတ်ခြင်း မခံရအောင် တိုက်အဟောင်းတွေ ကို ပြန်လည် ပြုပြင်မှု မရှိဘဲ အပြင်ပိုင်း ဆေးသုတ်ပြီး ကြံ့ခိုင်မှု ရှိတဲ့ပုံစံမျိုး လုပ်ထားတယ်။ ဒီတိုက်လို ရှေး ဟောင်းတိုက်တွေကို အရည်အ သွေး စစ်ဆေးဖို့ လိုအပ်နေပြီ” ဟု ပြောသည်။
လတ်တလောတွင် အဆိုပါ အဆောက်အအုံအား အန္တရာယ်ရှိ အဆောက်အအုံ အဖြစ် သတ်မှတ် ပြီး လူနေထိုင် ခွင့်မပြုတော့ကြောင်း သက်ဆိုင်ရာမှ သိရသည်။
မင်္ဂလာတောင်ညွန့် ကူးတို့ဆိပ် ရပ်ကွက် မီးလောင်ပေါက်ကွဲမှု ဖြစ်ပွားပြီးနောက် ယခုတိုက် ပြိုကျ မှုသည် ဒုတိယ အကြိမ်မြောက် ဖြစ်ပြီး ဇန်နဝါရီလ ၄ ရက်နေ့က အဆိုပါ ရပ်ကွက်ရှိ ၁၂၄ လမ်း အတွင်းမှ တိုက်တစ်လုံးမှာ အလား တူ ပြိုကျမှု ဖြစ်ပွားခဲ့ကြောင်း မီးသတ် ဦးစီးဌာနမှ သိရသည်။
ပေါ်ပျူလာဂျာနယ် 

တရုတ်နိုင်ငံသို့ တင်ပို့မည့် မြွေသေတ္တာ အလုံး ၄၀၀ ကျော် ဖမ်းမိ

မန္တလေးမြို့တိုင်း ဒေသကြီး ပြင် ဦးလွင်မြို့နယ် အနီးစခန်းတွင် သက် ဆိုင်ရာ တပ်ဖွဲ့ဝင်များသည် တရုတ် နိုင်ငံသို့ တရားမ၀င် တင်ပို့မည် မြွေ သေတ္တာအလုံး ၄၀၀ ကျော်ပါတီအီး ကားနှစ်စီး အား ဇန်န၀ါရီ ၁၂ ရက် က ဖမ်းဆီးခဲ့ပြီး ဇန်န၀ါရီ ၁၃ ရက် မွန်းလွဲပိုင်း တွင် မန္တလေးမြို့ ရတနာပုံ တိရစ္ဆာန်ဥယျာဉ်သို့ လာရောက်အပ် နှံထား ရှိကြောင်း ရတနာပုံ တိရစ္ဆာန် ဥယျာဉ်မှ တာဝန်ရှိသူတစ်ဦးကပြော ကြားသည်။
“လာရောက်အပ်နှံသည့် မြွေ သေတ္တာအလုံး ၄၀၀ ကျော်ကိုဖွင့် ဖောက်၍ ကျွမ်းကျင်သောဝန်ထမ်း များက မြွေအသေ အပျောက်နည်း စေရန်နဲ့ အကောင်အရေ အတွက် စနစ်တကျ ရှိစေရန် ရေတွက်လက် ခံခဲ့ပါတယ်။ သေတ္တာ တစ်လုံးမှာ မြွေကောင်ရေ ၁၀ ကောင်မှ ၂၀ ထိ ပါရှိပြီး လင်းမြွေ၊ မြေပွေး၊ မြွေ ဟောက်အမျိုးအစား အများဆုံးပါဝင် ပါတယ်။ တရုတ်နှစ်ကူး ပွဲတော်အ တွက်အသုံးပြုရန် တင်ပို့ ရောင်းချ ခြင်းဖြစ်နိုင်တယ်” ဟု ၎င်းကပြော ကြားသည်။
မင်းသုတ (မြန်မာပိုစ့်ဂျာနယ်

ကျောင်းသားအား ဖမ်းဆီးနှိပ်စက်တဲ့  ကျောင်းအုပ်ဆရာ အရေးယူရေး ပညာရေးဝန်ကြီးဌာနက ဆုံးဖြတ်မည်

 

တိရိစ္ဆာန်ကဲ့သို့ ကြိုးတုတ်ရိုက်နှက်ခံရတဲ့ ကျောင်းသားမောင်ပြည့်စုံ(၁၂)နှစ်

သင်္ဃန်းကျွှန်းမြို့နယ်ရှိ မူလတန်းကျောင်းတစ်ခုတွင် သတ္တမတန်းကျောင်းသားအား ကြိုးတုတ်ဖမ်းဆီးမှုနှင့်ပတ်သက်၍
ပညာရေးဝန်ကြီးဌာနသို့ အစီရင်ခံတင်ပြပြီး ဆုံးဖြတ်ချက်ရယူမည်ဖြစ်ကြောင်း အမှတ်(၃) အခြေခံပညာဦးစီးဌာနမှ သတင်းရရှိသည်။
အဆိုပါဖြစ်စဉ်အား အခြေခံပညာဦးစီးဌာနမှ စစ်ဆေးလေ့လာထားပြီးဖြစ်ကာ ပညာရေးဝန်ကြီိးဌာနပြည်ထောင်စုဝန်ကြီးထံသို့ တင်ပြသွား မည်ဖြစ်ကြောင်း ယင်းဌာနမှ တာဝန်ရှိသူတစ်ဦးကပြောသည်။

“ဒု-ညွှန်ချုပ်ကိုယ်တိုင် စစ်ဆေးနေပါတယ်။ ပညာရေးဝန်ကြီးကို အစီရင်ခံစာတင်ပြဖို့ရှိပါတယ်။ အဲဒီကမှ ဆုံးဖြတ်ချက်ထွက်လာမှာပါ။ ဂျာနယ်တွေ မှာ ပါနေတာတချို့က တကယ့်အဖြစ်မှန်နဲ့ ကွဲပြားနေတာရှိပါတယ်။ ကလေးကိုကြိုးတုတ်ထားတဲ့ တစ်ချက်တော့ရှိတယ်” ဟု ၄င်းကဆိုသည်။

ယခုလ၁၄ရက်တွင် သင်္ဃန်းကျွှန်းမြို့နယ် အ.ထ.က (၁)ကျောင်း၌ သတ္တမတန်းတက်ရောက်နေသော အသက် ၁၂ အရွယ်ကျောင်းသားတစ်ဦးသည်
၎င်းနေထိုင်ရာရပ်ကွက်အနီးရှိ အ.မ.က ၂၀ ကျောင်းပြင်ပတွင် အခြားကလေးငယ်များနှင့် အတူဘောလုံးကစားနေစဉ် အဆိုပါကျောင်းအပေါ်ထပ်ရှိ
ဝရန်တာတွင်ကြိုးတုတ်ဖမ်းဆီးခံရခြင်းဇြစ်သည်။       

ကျောင်းအပေါ်ထပ်ဝရန်တာတွင် ကျောင်းသားအား ၄နာရီခန့် ကြိုးတုတ်ဖမ်းဆီးထားပြီး ရိုက်နှက်မှုများ ပြုလုပ်ခဲ့သည်ဆိုကာ မိဘအုပ်ထိန်းသူများ က အ.မ.က ၂၀ ကျောင်းအုပ်ကြီး၊ အထွေထွေလုပ်သား(ကျောင်းစောင့်) နှင့် အခြားသူတစ်ဦးတို့အား တိုင်ကြားသဖြင့် သင်္ဃန်းကျွှန်းရဲစခန်းတွင် ပ- ၅၈ ။ ၂၀၁၂ ၊ပုဒ်မ – ၃၄၂ ၊ ၃၅၂ ၊ ၁၁၄ တို့ဖြင့်အမှုဖွင့်ထားသည်။

´´နောက်ထပ်ဒီလိုမျိုးထပ်မလုပ်မိစေဖို့ဘဲ အဓိကရည်ရွယ်တာပါ၊ ကျောင်းအုပ်ဆရာကြီးကတော့ လာတောင်းပန်ထားပါတယ်။ ကျွှန်တော်တို့ကတော့
အခုအမှုဖွင့်ထားတဲ့အတွက် အဲဒီအတိုင်းဘဲ၊ ဆက်ဆောင်ရွက်သွားမှာပါ။ သားနဲ့သမီးကတော့ ကလေးဖြစ်နေတာကို ကိုယ်တိုင်မြင်တွေ့ခဲ့တော့
ပိုပြီးဒေါသဖြစ်နေကြတယ်´´ဟု ကျောင်းသားဖခင်ကပြောသည်။

ကျောင်းသားငယ်သည် ဖမ်းဆီးခံရပြီးနောက် နေအိမ်ပြန်ရောက်ချိန်တွင် အားနည်းခြင်းနှင့်အကြောက်လွန်နေခါ၊ သတိလစ်နေသောကြောင့်
သင်္ဃန်းကျွှန်းစံပြဈေးရုံသို့ တက်ရောက်ဆေးကုသမှု ခံယူခဲ့ရကြောင်းသိရသည်။

 အဆိုပါကိစ္စနှင့်ပတ်သက်၍ အ.မ.က ၂၀ မှ ကျောင်းအုပ်ကြီးက ´´ကိစ္စကပြိးသွားပြီဆိုတော့ဘာမှတော့ ထွေထွေထူးထူးပြောစရာမရှိပါဘူး၊
သူ့မိဘနဲ့လည်း ရန်ငြိုးမရှိဘူး ။ ရိုက်စရာလည်း ဘာအကြောင်းမှမရှိပါဘူး။ ဂျာနယ်တွေက သူ့အလုပ်တာဆိုပေမဲ့လည်း ကျွှန်တော်တို့ကဌာနဆိုင်ရာ ၀န်ထမ်းဖြစ်တော့ အများကြီးဖြေရှင်းရပါတယ်။ ဌာနကဆုံးဖြတ်ချက်ချမယ်ဆိုရင်လည်း လိုက်နာရမှာပါဘဲ´´ဟု ဆိုသည်။

 7 day news journal